ना पाहले मी तुला , ना पाहले तू मला

ना पाहले मी तुला , ना पाहले तू मला 

तरी हे रेशीम बंध कसे जुळुनी आले !

अनोळखी असून एकमेकांसाठी 

एकाच धाग्यात गेलो कसे गुंफले !

ऐकले होते कधीतरी , ते आज पटून आले 

नाती जुळतात आकाशी , नाही इथे .

नाहीतर कुठे तू ? कुठे मी ?

कशाचाच इथे ताळमेळ नाही .

ना पाहता देखता स्वरात तुझ्या मी गुंतले .

विश्वासाने एक एक रहस्य तुझ्याजवळ उलगडले .

तू हि दरवेळी माझ्या भावूकतेला जपले .

तुझे ते माझ्यावर अधिकार गाजवणे ,

कधी हक्काने रागावणे , मला गोडी लावतं

माझ्या मनाची , व्यथेची काळजी घेणारं 

तुझ मन मला वेड लावतं .

त्या वेदातही यशस्वी भविष्य दिसतं .

माझ्या प्रेमाला प्रांजळतेची दक्षिणा देणारं सुख भेटतं .

कवयित्री - अर्चना सोनाग्रे