आजकाल सुंदर दिसावसं वाटतं

आजकाल सुंदर दिसावसं वाटतं ,

तासनतास आरशात स्वताला न्याहाळावसं वाटतं ,

केसांसोबत उगाच खेळावसं वाटतं ,

छान छान कपडे घालून फिरावसं वाटतं ,

आजकाल सुंदर दिसावसं वाटतं ...

काही नजरा आपल्यावरहि थांबाव्या असं वाटतं ,

चार चौघात आपणही भाव खाऊन जावसं वाटतं ,

मैत्रीणीत आपणही उठून दिसावसं वाटतं ,

आजकाल सुंदर दिसावसं वाटतं ...

पाऊस धारांना झेलावासं वाटतं ,

मन भरून हसावसं वाटतं ,

तुझी खट्याळ नजर मिळवावसं वाटतं ,

 आजकाल सुंदर दिसावसं वाटतं ...

कवयित्री - अर्चना सोनाग्रे