बहीण भाऊ
हृदयाच्या कप्प्यात
दडलेलं नातं,
खुद्कन हसलं
जेव्हा हातात बहिणीनं
पाठवलेल्या राखीचं पाकीट पडलं !
पहिला मित्र, पहिली मैत्रीण
बहीण भाऊ आणि कोण?
किती ती भांडणं,
रुसव्या फुगव्यांचा खेळ,
भाऊ राज्याचं चिडवून चिडवून
बहिणीला मेतकुटीला आणणं !
अखेर तिचं आईला शरण जाणं
अन बाबांच्या हातून भावाचं धपाटे खाणं !
दिवसांचा अबोला
बघून घ्यायच्या धमक्या
रात्री परत दंगा मस्ती अन पंगा !
असंच भांडता भांडता
कधी वयात आलो
हेही न समजणं,
"आता सगळंच तूझ्या एकट्याचं!
मी फिरकणार पण नाही हं इकडे!"
लाडक्या बहिणीचं भावाची फिरकी घेणं !
मात्र बहिणीचं लग्न लावून
दुसऱ्याच्या हवाली करणं
म्हणजे भावासाठी जसं
काळीज काढून देणं !
त्याचं बिचाऱ्याचं
"आता मी कोणाला चिडवणार?"
असं म्हणून हसतच रडणं
अन रडतच हसणं !
चित्रकार - रेणुका
.tif)
Comments
Post a Comment