पर्याय !

इकडे आड तिकडे विहीर
निवड कशाची करु मि ?
दोन्हीकडे मरण माझेच
त्याला काही पर्याय नाही...

उडायचे आहे मला
नभी उंच गिरकी घ्यायची आहे मला .
त्या ध्रुव ताऱ्याला ,
मुठीत पकडायचे आहे मला..

पण पदराशी असलेल्या पिलाला ,
सोडून जाऊ कशी.
मिच इथे आणले त्याला
माझीच जबाबदारी तो ,
हे तथ्य मि विसरू कशी...
निवड कशाची करु मी ?
दोन्हीकडे मरण माझेच
त्याला काही पर्याय नाही.

आधुनिक असो वा असो जुनाट वृत्ती,
स्त्री जात मी ,
हे सत्य कधी बदलणार नाही.
कितीही बदलली परिस्थिती तरीही,
माझी व्यथा कुणाला कळणार नाही.
निवड कशाची करू मी
दोन्हीकडे मरण माझे
त्याला काही पर्याय नाही.....



Writer, Archana Sonagre. M.A. (Public Admin).